من إبداعات صلاح جـاهين

أحكم يا شعب

أُحكم يــا شعـــب
اُحكــم يـا شعـــب
وخـد بنفسـك مكـانـك
الأمـــر صعــــب
والنهــى صعــــب
إمسـك بِيــدَّك ميزانـك

أُحكــم وقــــول
يا بـلادى كونى سعيـدةْ
عيشـى فى أيـام مجيدةْ

واحكــم وقـــول
يا بـلادى كونـى سعيـدةْ
عيشـى فى أيـام مجيـدةْ
واحكــم يا شعـــب
ابن الغيطـان
أبو الغيطـان
كان حانى عوده على العيدان
رفـع قـوامـه
وقـال كلامـه
سمعنـا صوتـه فى البرلمـان
وأنـا اقـــول واقــول
فى مجلس الأمــة قلبــى
هو اللى عارف مطالبـى
واحـكـم يـا شعــب

إيديــن بتـزرع وتصنـع
وإيديـن بتبــنى وترفــــع
رفعت أسامــى أسامــــى
يا نـايب الشـعب يومــك
فى كلمتـك كل قــومــك
اخطب ودافــع وحامــى
ورِّينــا منــك عجــب
واحكـم على شمـس بـكره
تجمــع ولاد العـــرب
على كلمـة واحـدة وفـكره
عيوننـا طالــه عليــك
وقلبنـا نِفسُـه يفـرح
وَرِّينـا قــوة إيديـك
واحكم على الصخر يطرح
وانـا اشـوف واقـول
فى مجلس الأمة قلبـى
هو اللى عارف مطالبى
واحكـم يـا شعــب